RAIS WA NCHI ATOA MIFUKO 100 YA CEMENT KILA KAYA...

Rais JAKAYA KIKWETE ameahidi kutoa mifuko 100 ya saruji, kwa
kila familia kwa Wakazi waishio katika Mji Mpya wa Mabwepande,
 Jijini Dar es salaam ili kuwawezesha kujenga Makazi ya kudumu
 huku akiwakabidhi hati za kumiliki kihalali maeneo wakazi
wapatao 604.
Akizungumza mara baada ya kuzindua Kituo cha Polisi,
Nyumba za Walimu, pamoja na Shule ya Msingi Mabwepande ,
 Rais KIKWETE amesema fedha zitakazotumika kwa ajili ya ununuzi
 wa mifuko hiyo zitakabidhiwa kwa Halmashauri ya Manispaa ya
Kinondoni hapo kesho.
Rais KIKWETE ametumia fursa hiyo kuwaomba Wahisani mbalimbali
 kuunga mkono Juhudi mbalimbali za kuwasaidiua Wakazi wa
 Mabwepande katika kuwawezesha kujenga makazi ya kudumu
na kuondokana na adha wanazokumbana nazo kutokana na
 uchakavu wa mahema.
Kwa upande wake Kamanda wa Kanda Maalumu ya Dar es salaam,
 DCP SULEIMAN KOVA, ameelezea hatua zitakazochukuliwa
na Jeshi la Polisi nchini katika kuimarisha zaidi ulinzi
kwa Wakazi wa Mabwepande.
Awali akizungumza mara baada ya kuzindua Daraja la Golani,
lililoko Kimara Suka, katika Kata ya Saranga, Jijini Dar es salaam
 Rais KIKWETE amesema atakutana na Uongozi wa Wizara ya Maji
pamoja na ule wa Halmashauri ya Manispaa ya Kinondoni kwa lengo
 la kulipatia ufumbuzi tatizo la muda mrefu la maji linalowakabili baadhi
ya Wakazi wa Manispaa hiyo hususani wale wanaoishi eneo la Kimara,
 Jijini humo

Share on Google Plus

About Wasafi